Ey gönül bir derde düş kim anda dermân gizlidür
Gel karış bir katreye kim anda 'ummân gizlidür

Terk idüp 'ârı nâmusı gey ferâgât hırkasın
Bu ferâgat hırkasında sırr-ı Sultân gizlidür

Değme bir dervîş fakîri hor görüp hor bakma kim
Gönlinün her kûşesinde 'Arş-ı Rahman gizlidür

Muhib ise cân u dil bulur hayât-ı câvidân
Dervîşin herbir sözinde âb-ı hayvân gizlidür

Gör bu Eşrefoğlu Rûmî bahr-ı ışkda neyledi
Cân u başından geçüp cânında cânân gizlidür

Eşrefoğlu Rûmî