Üstâd-ı sühan hazret-i Hakkı Beyefendi

Kim zâtı vücûd-ı hünere rûh-ı revândır

Ol mahşer-i envâ’-ı fezâ’il ki vücûdu

Bâdî-i mübâhât-ı edibân-ı zamândır

Bir misilini ibrâz edemez bezm-i cihânda

Tedbîr-i felek kim devrân ber-devrândır

Yok kuvvet-i ma’nâda o Îsî-deme hemtâ

Var ise yine Nef’î-i şemşîr-zebândır

İ’câzını Allah bir inkâr edemezler

Ol tâ’ife kim münkir-i Rabb-i dü cihandır

Şâkirdiyiz ol mürşid-i âğâh-ı kemâlin

Da’vâtı bize vâcibe-i rûz-ı şebândır

Yenişehirli Avni