Yâre fâş et râzını ammâ zebânun duymasun
Güft ü gû-yı vuslatı rûh-ı revânın duymasun

Şöyle bî-huş ol kemâl-i mesti-i vuslatla kim
Yar âğuşunda yatsın cism ü cânın duymasın

Öyle mest ol yâd-ı yâr ile dem-i âhirde kim
Darb-ı tîg-i merk-i cism-i nâ-tüvânın duymasun

Küşte-i ışk ol velâkin öyle bî-ruh olma kim
Zevk-i pâ-bûs-ı nigârı üstühânın duymasun

Reng ü bûdan telh ü şîrinden olum âsûde-his
Avniyâ bir bâde nûş et kim dehânın duymasun

Yenişehirli Avni