ferman-ı aşka can iledir inkıyadımız
hükm-i kazaya zerre yok inadımız

baş eğmeziz edaniyle dünya-yı dun için
Allah' a dır tevekkülümüz itimadımız

biz mütteka-yı zer-keş-i caha dayanmazız
hakkın kemal-i lutfunadır istinadımız

zühd ü salaha eylemeziz iltica hele
tutdu egerçi alem-i kevni fesadımız

meydan-ı safa-yı batın-ı humdur garaz heman
erbab-ı zahir anlayamazlar muradımız

minnet huda'ya devlet-i dünya fena bulur
baki kalır sahife-i alemde adımız

Baki