Âşiyân-ı mürg-i dil zülf-i perîşânındadır
Kanda olsam ey perî gönlüm senin yanındadır

Aşk derdiyle hoşem el çek ilâcımdan tabîb
Kılma dermân kim helâkım zehr-i dermânındadır

Çekme dâmen nâz edip üftâdelerden vehm kıl
Göklere açılmasın eller kim dâmânındadır

Mest-i hâb-ı nâz ol cem' et dil-i sad-pâremi
Kim anın her pâresi bir nevk-i müjgânındadır

Bes ki hicrânındadır hâsiyyet-i kat'-i hayât
Ol hayât ehline hayrânem ki hicrânındadır

Ey Fuzûli şem'-veş mutlak açılmaz yanmadın
Tâblar kim sünbülünden rişte-i cânındadır

Fuzuli