Sanma ey hace ki senden zer ü sim isterler
Yevme la yenfau da kalb-i selim isterler

Berzah-ı havf ü recadan geçe gör nakam ol
Dem-i ahirde ne ummid ü ne bim isterler

 

Unutup bildiğini arif isen nadan ol
Bezm-i vahdette ne ilm ü ne alim isterler

Alem-i bi meh ü hurşid ü felekde her giz
Ne muhendis ne muneccim ne hakim isterler

Harem-i ma'niye biganeye yol vermezler
Aşina yi ezeli yar-i kadim isterler

Sakin-i dergeh-i teslim-i riza ol daim
Bermurad itmeğe hizmette mukim isterler

Dergeh-i fakra varıp dirliğini arz etme
Anda her giz ne sipahi ne zaim isterler

Aşık ol serbet-i vasl ister isen kim aşık
Çaresiz derd arayıp renc-i elim isterler

Ni'met-i zahire dilbeste olan gürsineler
Muzd nan pareye cennat-i naim isterler

Kible-i ma'niyi fehm eylemeyen kec revler
Sehv ile secde edip ecr-i azim isterler

 

Ezber et kissa-i esrar-i dili ey Ruhi
Hazır ol bezm-i İlahi'de nedim isterler

Bağdatlı Rûhî

Gör zâhidi kim sâhib-i irşâd olayım der Dün mektebe vardı bugün üstâd olayım der Meyhânede ister yıkılup olmağı vîrân Biçare harabatta abat olayın der Elden komasın gül gibi câm - meyi bir dem Her kim ki bu gamhânede dilşâd olayım der Bir serv kadin bende-i efkendesi olsun Âlemde o kim gussadan âzâd olayım der Ömrün geçürüp kûh-ı belâda dil-i şeydâ Berhemzen-i hengâme-i Ferhâd olayım der Vasl istemeyüp hecr ile hoş gitdiği bu kim Miskin gam-ı cânâneye mu'tâd olayım der Gezdi yürüdü bulmadı bir eğlenecek yer Min-ba'd yine âzim-i Bagdâd olayım der Bagdâd sadeftir güher-i dürr-i Necef'tir Yanında anın dürr ü güher seng-i hazefdir

Bağdatlı Ruhi