Aşkın meyine ben kana geldim,
Şem’in oduna hoş yana geldim.

Şem’i tevhidi gördüm yakmışlar,
Gitti kararım pervâne geldim.

Halka-i zikri kurmuş âşıklar,
Ben de sahnında cevlâna geldim.

Mecnûnum bugün Leylâ derdinden,
Neylerim aklı dîvâne geldim

Derdi cânânın açtı yâreler,
Bağrım üstünde dermâne geldim.

Ümmî Sinân’ın hâk-i pâyine,
Sürmeğe yüzüm sultâna geldim.

Yâremi bildim Yârimden imiş,
Bunda Niyâzî Lokmân’a geldim

Niyazi Mısri