Hakîkatde amel ey Hakka tâlib
Gönül olmalıdır pîre murâkıb

Kamu bildiğini kaldır aradan
Fena kesb eyle kalmasın meâyib

Mücellâ olsa dil levh-i kederden
Demâdem aks ura ilm-i mevâhib

Vücûdun zerresin aşk ile mahv et
Sana hâzır ola hep cümle gâib

Hakîkatde ledün tâliblerine
Meârifle hakâyıkdır menâsıb

Gönüldür çün tecellîgâh-ı Hazret
Siva-yı Hak olur mu hiç münâsib

Özün vahdetde yeksan eyle Gaybi
Bir ola sana ta mağlûb u gâlib

Sunullah Gaybi