Şerh-i kemâl-i hüsnü iki cihâna sığmaz
Sîmurg-ı cân-ı âşık her bir havâda uçmaz
Pervâz-ı şeh-peri çün heft-âsümâna sığmaz
Gönlüm ayağı geçti aşkın defînesine
Öyle büyük defîne kevn ü mekâna sığmaz
Derdim ki hâl-i aşkı hıfz eylerim gönülde
Gördüm muhîti hergiz bir nâvedâna sığmaz
Hejdeh hezâr âlem değmez bir arpayı kim
Cânândan özge kalmaz bir şey cinâna sığmaz
Çün küfr-i zülfü dilde îmânım etti tâze
Hâlâ senâdan özge bir söz lisâna sığmaz
Koy mâsivâyı Hakkı çün gayr-i aşk-ı cânân
Bu akl u fehme gelmez bu kalb ü câna sığmaz
Hiç yorum yok:
Yorum Gönder