Bugün âşıklarun esrârına âgâh olan gelsün 
Bu meydân-ı mahabbetde fenâ fillâh olan gelsün

İki dünyâyı terk iden bu yola baş açık giden 
İşi dildâr şevkinden dem-â-dem âh olan gelsün

Bu aşkun remzini fehm eyleyimez değme bir âkil 
Bunu anlamağa derd ehline hem-râh olan gelsün

Sana me'vâ yiter me'vâ yüri ta'n eyleye zâhid 
Bize iki cihânda dâmeni kütâh olan gelsün

Bu râza ey Murâdî her kimesne olımaz mahrem
Bu aşkun mülkine ey ser-be-ser şâh olan gelsün

Muradi