Sohbet-i câhil yeter ariflere nâr-ı cehîm
Âhiretde görmesin ister ise nâr-ı elim

Canını sıtma tutar şöyle sakîm eyler seni
Meclisinde oturursa iki saat bir leîm

Meclise câhil burûdet bahş eder dâim hemân
Kır domuzun görmedinse var anınla ol mukim

Feyz-i ilhamım kesilsün der ise ger bir veli
Hemdem olsun dâ'ima anınla bir câhil sakîm

Kelbe rağbet eyle etme bunlara rağbet sakın
Dediler câhilden evlâ oldu bir kelb-i alim

Duzahiler çehresini seyr ise maksûd eğer
Çeşmini ayırma erbâb-ı cehlden tut sırât-ı müstakim

Ehl-i duzah olduğuna câhilânın Gaybîyâ
Şâhid-i âdil bu kim ehl-i Haka olmaz nedim..

Sunullah Gaybi