Derûnum hâlini derdile giryân olmayan bilmez.
Vücûdum garîka-i hûn olduğun derd-i hasretten,
Gözünden hicr ile hunâb-efşân olmayan bilmez.
Ne bilsin lezzetin içmeyenler şol şarâbın kim,
Bu meyden nûş edip medhûş u sekrân olmayan bilmez.
Giribânîmı çâk etmekte maksad n'olduğun cânâ,
Belâ-yı hicr zevkini ol nâre sûzân olmayan bilmez.
Eğer bilmek dilersen ehl-i tecridin kemâlinden,
Soyunup her yanından varın uryân olmayan bilmez.
Hulûsî cânını cânâne kurbân et de er vasla,
Ki vaslın kadrini bu cânı kurbân olmayan bilmez.
Hiç yorum yok:
Yorum Gönder