Nurdan bir servdir düşmez zemine sâyesi
Yusuf'u gerçi görenler ellerini kesdiler
Gün yüzün gördü senin şakk oldu ayın ayesi
Menzil-i tîr-i duâveş mâverâ-yı nüh sipihr
Kadrinin arş-ı muallâdan muallâ pâyesi
Evvel ü âhir nazirin yok senin zâtın durur
Hatm-i cümle enbiyâ kevn ü mekânın mâyesi
Der görenler sen meh-i bedrin münevver hüsnünü
Süt yerine nûr emzirmiş meğer kim dâyesi
aAhiret bâzârına vardıkta eyler fâide
Nakd-i aşkındır anın kim serverâ sermâyesi
Bâğ-ı cennette ümidim bu Huda'dan Zâti'yi
Cümle müminlerle sen servin ide hem-sâyesi
Hiç yorum yok:
Yorum Gönder