Bir söz var anda hatâ
Estağfurullahe'lazîm
O işiten oldu nâsezâ
Estağfurullahe'l-azîm

Şer-i şerîf imiş temel
Makbul değil onsuz amel
Bildik işimiz hep halel
Estağfurullahe'l-azîm

Bâtılda etmedik karâr
Hak'dan yana itdik firâr
Şer'a muhalif her ne var
Estağfurullahe'l-azîm

Kimin yolu ilhâd ola
Sanma o kul irşâd ola
Ahir demi berbâd ola
Estağfurullahe'l-azîm

Şeri bırakmamış selef
Sonra gelen hayrri halef
Olmayalım biz de telef
Estağfurullahe'l-azîm

Hakk'ın Habîbi Mustafâ
Oldur bu yolda rehnümâ
Andan cüdâ Hak'dan cüdâ
Estağfurullahe'l-azîm
Gaybî hemân budur sözüm
Şer üzre muhkemdir özüm
Döndü menahiden yüzüm
Estağfurullahe'l-azîm

Sunullah Gaybi