Her ne kim kişi severse ol ana mâbud olur
Âşıkın mâ'budu Mevlâ kendisi mes'ud olur

Mâsivâ'ya meyl eden aşkdan cüdâ olur hemin
Defter-i uşşak'da anın ismi nâmevcud olur

Zikr ile kalbe dolar aşk-ı Hüdâ deryâ misâl
Aşksız olan âbid olursa dahi merdûd olur

Çün ibadet eyler ol cennet için Tanrı'sına
Zümre-i ehl-i Hüdâ'ya girmeyüp mefkûd olur

Ola gör tevhide meşgul ruz u şeb Kuddûsi'ya
Ehl-i tevhid'in Hüdâ'sı razı ve hoşnut olur

Kuddusi