Bülbül-i gülzâr-ı aşkım âşiyân olmaz bana
Murg-ı lâhûtum anınçün bir mekân olmaz bana

Pûte-i zillette beni kâl eyledi üstâd-ı aşk
Dürr-i sâfiyem mehekk-i imtihân olmaz bana

Gülistânım tâze tâze güllerim açmaktadır
Ârzû-yı nevbahâr etmem hazân olmaz bana

Sûretim sîrette pinhân eylemiştir cânımı
Sîretim sûrette cân oldu zamân olmaz bana

Ey Sezâyî şem-i vasla Per yakar pervâneyim
Hâlet-i vaslın safâsından figân olmaz bana

Sezai Gülşeni