Tarîk-i aşka gir cânâ sevâd-ı mâsivâdan geç
Makâm-ı terk ü tecrîde erüb nefs ü hevâdan geç
Rızâ u emr-i Hakk'ı tut yapış bir dest-i mürşîde
Vücûd-i "allemel esmâ"yı bil şirk ü riyâdan geç
Hayâl-i nefs imiş âlemde hubb-i saltanat zevki
Telebbüs et libâs-ı fakri de havf ü recâdan geç
Âdemin ziyneti mâl ile değil ilm iledir
Cem'-i mâl etmek için nâs ile kavgâdan geç
Terkedip varlığını mahv edegör benliğini
Bezm-i irfân içinde kemâlât ile da'vâdan geç
"Bekâbillah"a yetmeklik dilersen sen de ey Hilmî
Hased buğz ü tama' kin tutma gel kibr-i fenâdan geç

Hilmi Dedebaba