Ezelden aşk oduna yâne geldim

Anınçün tâ ebed mestâne geldim

Eğer nûş etmez isen sen bu meyden

Deme zâhid ki ben îmâne geldim

İçe bir cür'a ger râhib bu meyden 

Koyub küfrü diye îmâna geldim

Olan meyhâne-i vahdetde mey-nûş

Çağırır küfr ile îmâne geldim

Seray-ı vahdet olmuşken makâmım 

Bu kesret âlemin seyrâne geldim

Bu dehr içre görüb itme te'accüb 

Çü gizli genc idim vîrâne geldim

Vâr idi ilm-i ayne kâbiliyyet

Görüben kendimi irfâne geldim

Çü birdir Sünbülî mârûf u ârif

Edüp da'vâ deme irfâne geldim

Benem Mansûr-i aşk hoş dâre geldim

Cemâlin görmeğe dîdâre geldim

Benem bîçâre-i aşk olmuş cihânda 

Ne çâre derdime dermâne geldim

Görüpdür Sünbülî dostun cemâlin

Benem bülbül gibi gülzâre geldim

Sünbül Sinan