Kim ki dost yolunda terk-i cân ider

Dost ana dîdârını ihsân ider

Kim bu fânî dünyâyı terk eylese

Dost ebed mülke anı sultân ider

Dost için nefse murâd vermeyene

Dost sekiz uçmağını erzân ider

Dost elinden câm-ı aşkı nûş iden

Sırr-ı ma'şûku nite pinhân ider

Âkıbet Mansur'leyin esrik deli

Ol "ene'l hak" dârını seyrân ider

Cân verenler kân-bahâ dîdâr alır

Sanma bu pâzârı her bîcân ider

Eşrefoğlu Rûmî cân terk ideli

Her nefes dost iline cevlân ider

Eşrefoğlu Rumi