Allah Allah ismini zikr eyle candan bir zaman
Ta müsemma aşkı nurundan dola leyl-u nehar
Bulsa dil sultan-ı aşkı rehzen-i dinden ne gam

Rehber-i dünden ganidir yoğ anınçun intizar
Aşkı  söyle  aşkı  iste  oku  aşkı bil
Aşkı güş ol aşkı püş ol aşkı nüş ol aşkı har

Ta ki aşk olsun vucudun sende benlik kalmasın
Çünkü benlik kalmaz oldın ayn-ı aşk u şehriyar
Bir kabadır kamet-i insana bu şer-i şerif

Aşk ana atlas bitane akıl ana nakş u nigar
İkisi  bir cinstir bil Şey-i vahittir Veli
Aşktır bahr-ı muhit ve akldır mevc u bihar

Akl-ı burhani gibi ger hüsn-i aşk olsa ayan
Perde-i vehm u hayalatı iderdi tar u mar
Cün nazrdan tay olur tomar evham u hayal

Pak olur mirad-i alem cümle kalmaz bir ğubar
Har-ı zar-ı kesret içre verd-i vahdet seyr iden
Arifin çeşminde Hakkı alem olmuş lalezar

İbrahim Hakkı