Biz gulâmân-ı ezelî âl-i abâ-yı Ahmed'iz
Âbidân-ı Mustafâ'yız* cân-fedâ-yı Ahmed'iz

Biz tevellâ ehliyiz olduk teberrâdan berî
Hamdülillah ümmet-i sâdık-safâ-yı Ahmediz

Gözleriz emrin tutup neyhin koyup elden müdâm
Âşık-ı sâfî-diliz hubb-i rızâ-yı Ahmed'iz

Ayn-i irfân içre ancak bizdedir nûr-i basîr**
Tûtiyân-ı çeşmi-câyız hâkipâ-yı Ahmed'iz

İsteriz nân-ı şefâ'at bâb-ı Haydar'dan hemîn
Çâkeriz abdiz kuluz Hilmî gedâ-yı Ahmed'iz

* Divanda "Kerbela'yız" şeklindedir..
** Divanda "bizleriz nûr-i basar" şeklindedir..

Hilmi Dedebaba